Paningsa | A•chik Golpo|
PANINGSA
Pekda minggipa mandeo depante saksa gnangchim. Uni bimungko Gongsa mingachim. Gongsa jik kime
nok dingtang cha•ahachim. Salsao uamang paningsa mi brena kok ole a•jong songchina re•angaha. Miko bree songtangona re•bapilmitingo, uamang bol ja•pango neng•takaha. Depante chi ringna sike neng•takmitingo chiko am•angaha. Ua pagipana aganangaha, anga chi am•e ringekuna, na•a neng•taksobo. Pagipa kusi ong•en watataha. Depanteni ru•utbaon pagipa chanchiaha. Anga da•o on•tisamang miko man•dapodechim. Indine ua depanteni kokoniko jakwakgni migilko chin•e an•tangni koko donatskaaha. Depante mamung ra•ani
chinko u•ijana gita namedake tarie donsopilaha.
Depante re•bapilahaoa, ua pagipa uni miko chin•e ra•soaha ine mamung chinkoba u•ijaha; maina ua
indake dakgen ineba chanchichipani dongjani gimin mamung simsakaba dongjaha. Adita neng•takani ja•mano uamang songona re•baaha. Bilsi bongani ja•mano pagipa sae siangaha. Gongsa pagipana matchu mangbrimang den•ate ganchi rike so•e galaha. Unikoa kima
sol•e nokmikkango songe donaha.
Gongsa an•tangni songni sepango donggipa chibima rikamo bari damsako dake, uno baring, jalik,
ta•marang aro adita cha•anirangko ge•aha. Ua manderangni dakronga gita, matchu sigiminni sko bikrokko
ra•bae, bari jatchio go•ol songe sikroke donaha. Pringsao songsulni me•chikma saksa Gongsani bari-oniko sriksrik baring akna ine re•baaha.
Akna ine dangtapon, matchu sko aganaha, wai, na•a maiko dakna sienga? la baride angni depante Gongsanisai. Na•a cha•una nangja. Nibo! angaba tangmitingo
angni depante Gongsani miko jakwakgni chin•e chauen angko
uni matchuo atchiate bilsisnina kingking matchu ong•e gamataha. Anga da•o matchu ong•en sipilaha, indiba
uni groan matchotkujani gimin angko da•oba bariko dongtimatkuenga ine aganaha.
Iako knae me•chikma kratcha•amung kenamung dake Gongsani nokchi re•ange, una pilak kattarangko tale agane on•eaha. Pilak katarangko knatokoa Gongsa
grape, matchu skoko ra•bae, ganchi rike so•e mangon mangsenge kema ka•aha ine agane watataha. Nang•ni ka•sae watahaode, anga re•gnok angde ine jumangchi pagipa agane re•angaha. Tangmitingo cha•u me•puode,
simanoba me•mang a•songchi re•angna mangija matchu, wak pil•e groko chotskana nanga ine A•chikrang bebera•a.
Na•a cha•unabe.
Post a Comment