Mongma Aro Chibrim|A•chik Golporang|
MONGMAMUNG CHIBRIM
Changsao mongma jiksesa badiaba burung damsako re•angengachim. Unon namang chibrim mangsani an•tangni jikgipani manggisiko gope galna ine saksan de•tome ra•angengako nikaha. Mongma bipa chibrimko chonnike aganaha. Nio nikrakgija, rim•o man•rakgija mangmangbà jiktangko gope galna ra•angnade ampaakonke!
Amjaoba jiktangko, sana nisipakugen inesa dakpaenga na•a, ine chibrim aganchakaha, haida, na•ade anggitamangba dakean amenga amjaenga!
Indinako knae mongma aganaha. Angko chonnikama? Angni jikgipa gita mangbongani manggisiko rangsan de•tome gope galbo ine inoba anga mangenchim !
Chibrimni chonnikako man•e mongmade kao nangan gape, chibrimna an•tangko mesokna ine jikgipako wagamchi su•e siataha. Unon chibrim gita gope galpana ine an•tangni janggil kosakona gatna ine de•tomora amjaha. De•tomna joton ka•taitaie nioba amjaha ine nikoa, ua manggisini sambao sintie grape dongaiaha.
Untalsa mongmara, Angnade chibriman bilakbata ine chibrimna kenna abachengahana. Uni giminsa da•ona kingking mongmarang jeko cha•oba, chibrim dongengnaba donga ine kenchake, dokchichie gochichie galchengesa cha•a ine A•chikrang agana.
Biltangko nichenggija gaora de'na nangja.
Post a Comment