Chipu Na•katok | A•chik Golpo
Changsao pattigipa ra•rongipa pilak chipurangko okamattoke, mangantinan kraa gita bisiko suale antie on•tokahachim. Chipu na•katokba an•tangna sualgimin bisini bakko ra•e songtangona pil•angengachim. Ramao ua chibima tipchangao na•tok bang beako nikaha. Ua mikbokbeenba bisitangko an•chengo done na•tokrangko cha•aha. Ua na•tok bang•ani gimin cha•e, suk ong•en an•tangni bisi donakode gualpilaha. Indakmitingo chi-kosakchi mikka jimbee waani gimin chi rang•san dalbae, chipu na•katokni bisi donako manpakangaha. Ua bisiko chi-ka•machi donggipa na•senchi, gomon, gagol, magulrang cha•sotokaha. Indakesa uaranga bisiko da•ona kingking mantokaha ina.
Cha•man ringmanosa chipu na•katok noktangchi re•pilna ine an•tangni donanggipa bisiko am•aha. Indiba manjaha. Ua duk ong•beesa jakari noktangchi pil•angaha. Indakesa bisi dongja ina.
Mikbokachi manderang man•giminkoba gimaatronga.
Post a Comment